काठमाडौं । पछिल्लो २४ घण्टामा देशभर थप ४८१ जनालाई कोरोना संक्रमण पुष्टि भएको छ । काठमाडौं उपत्यकामा २०८ जनालाई कोरोना पोजेटिभ देखिएको छ । आज थपिएकासँगै कोरोना संक्रमितको संख्या २ लाख ५८ हजार १८१ पुगेको छ ।
स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमका अनुसार ३ हजार ८२८जनाको पीसीआर परीक्षण भएकोमा ४८१ जनालाई पोजेटिभ देखिएको हो ।
यस्तै, २४ घण्टामा ७३१ संक्रमित कोरोनामुक्त भएका छन् । यो सँगै कोरोनामुक्त हुनेको संख्या २ लाख ४९ हजार ८६३ पुगेको छ । पछिल्लो २४ घण्टामा ६ संक्रमितको मृत्यु भएको छ ।
हालसम्म कोरोना संक्रमित मृतकको संख्या १ हजार ८२५ पुगेको छ । अहिले देशभर ६ हजार ४९३ संक्रिय संक्रमित रहेका छन् ।
